الصنارة ..

كاتلوح الصنارة في البحر .. كاتسنى .. كاتسنى .. كاطلع ليك كابايلا، كاتردها للبحر وأنت تتمتم “إيوا صافي واش أنا ويا من قال أنا ناكل كابايلا، واش أنا وجه كابايلا دابا” .. ثم كاتردها للبحر .. كاتعاود ترمي الصنارة .. كاتسنى .. كاتسنى ..حتى كايفوت العاصر ونتا مازال كاتسنى .. ثم كاطلع ليك كابايلا عاود تاني، كاتشوف فيها ونتا ساكت هاد المرة وكاتردها للبحر .. كاتعاود ترمي الصنارة .. كاتسنى .. كاتسنى .. كاتسنى حتى كاطيب ترمتك وتقرب تغرب الشمس ونتا مازال كاتسنى .. ثم كاطلع ليك كابايلا .. كاتشوف فيها .. كاتشوف في البحر .. ثم كاتشوف فيها .. ثم كديرها في الصاك وتقول “ومالها كابايلا، مالها ماشي حوتة حتى هي” ..





أترك تعليقا